سچ ہے ہمیں کو آپ کے شکوے بجا نہ تھے

بے شک ستم جناب کے سب دوستانہ تھے

ہاں جو جفا بھی آپ نے کی قاعدے سے کی

ہاں ہم ہی کار بندِ اصولِ وفا نہ تھے

آئے تو یوں کے جیسے ہمیشہ تھے مہرباں

بھولے تو یوں کہ گویا کبھی آشنا نہ تھے

کیوں دادِ غم ہم نے طلب کی، برا کیا

ہم سے جہاں میں کُشتہِ غم اور کیا نہ تھے

گر فکرِ زخم کی تو خطا وار ہیں کہ ہم

کیوں محو مدحِ خوبیِ تیغِ ادا نہ تھے

ہر چارہ گر کو چارہ گری سے گریز تھا

ورنہ ہمیں جو دکھ تھے بہت لا دوا نہ تھے

لب پر ہے تلخیِ ماہِ ایام ورنہ "فیض"

ہم تلخیِ کلام پہ مائل زرا نہ تھے

ثابت ہُوا ______ سکونِ دل و جاں کہیں نہیں ...

رشتوں میں ڈھونڈتا ہے تو ڈھونڈا کرے کوئی ...

اے شخص اب تو مجھ کو سبھی کچھ قبول ہے ...

یہ بھی قبول ہے کہ تجھے۔۔۔۔۔۔۔چھین لے کوئی ...

ہاں ٹھیک ہے ____ میں اپنی اَنا کا مریض ہوں ...

آخرمیرے مزاج میں ____ کیوں دخل دے کوئی ...

اک شخص کر رہا ہے ____ ابھی تک وفا کا ذکر ...

کاش اس زباں دراز کا ____ منہ نوچ لے کوئی ...

تصوف اور دوسرے علموں میں ایک بنیادی فرق یہ ہے کہ اور علم تو پہلے 

حاصل کیے جاتے ہیں اور پھر ان پر عمل کیا جاتا ہے ۔ لیکن تصوف میں اس 

کے الٹ ہے ۔ اس میں پہلے عمل کیا جاتا ہے اور پھر علم حاصل ہونے لگتا ہے ۔ 

اشفاق احمد بابا صاحبا صفحہ 381