umr guzregi imtehaan mein kya

daagh hi denge mujh ko daan mein kya

meri har baat be asar hi rahi

naqs hai kuch mere bayaan mein kya

mujh ko to koi tokta bhi nahin

yahi hota hai khandaan mein kya

apni mehroomiyan chhupate hain

hum ghareebon ki aan baan mein kya

khud ko jaana juda zammane se

aa gaya tha mere gumaan mein kya

bolte kyun nahin mere haqq mein

aablay paR gaye zubaan mein kya

dil kay aate hain jis ko dhyaan bohot

khud bhi aata hai apne dhyaan mein kya

woh mile to yeh poochhna hai mujhe

ab bhi hun main teri amaan mein kya

yun jo takta hai aasmaan ko tu

koi rehta hai aasmaan mein kya

yeh mujhe chain kyun nahin paRta

aik hi shakhs tha jahan mein kya

Har Roz Kaha Se Layen Naya Dil......!

Hussan Waloon Ny To Andhair Macha Rakha Hai ... !!!

Khawahsh-e-wasl-e-yar ki pairvi karna.

ab chhor b day aye dil! shairy karna.!!!

Phir wohi udasi , wohi gham-e-zeest ka rona

aye dil-e-nadan! ab kya kahen tujh ko?????

mangi wazahtain, na mangi koi daleel

dil ne to had hi kr di oss pe aitbaar ki

muddat hui oss shakas ki aai nai khaber

lagta hy qasid bhi raqeeboon se ja mila

hathoon ko dil ne khoon ki tarseel rok di

ek baar teri yaad pe ungli uthai thi

bethay ho ab tanha, hajoom e khalqat main

kaha tha na mohabbat ki adaa niraali hoti hy

hazaroon uljhanoon sy barhkr humain b aik uljhan hy

hamari yaad sy ghafil wo kesa lag raha ho ga

dil pe ithtiyar hota to tha magar

yeh teray ikhtiyar sy pehlay ki baat hy

samajh k maal e ganeemat mujhe

teri yadoon ne be-panah loota

aankh pur nam, dil heran o preshan hy ab tak

k itni taiz barish ma mera aashiana jala kesay

dharkan ki dugdagi pe kab sy hy mehv e raqs

dil thak k gir e jaye to tamasha to khatam ho

mout aye to din phirain

zindgi ne to maar dala hy

nigahain bolti hain be tahasha

mohabbat pagloon ki guftugu hy

muravatain hi sahi magar ek baat batlao

masroof ho ya bhoolna chah rahay ho

raakh hota hua badan mera subha k saweray main

mujh sy thak kr sawal krta hy, ishq krna zaroori tha kya

umar bhar rahay teri justuju ma lakin

tu na mila kisi kafir ko jannat ki terha

mani na meri aik b khud'sar hy tu aye dil!

ab khud e tarap, main to tera kuch nai lagta..!!

tapakti hy nigahoon sy, barasti hy adaoon sy

mohabbat kon kehta hy k pehchani nai jati

Deep jis ka sirf mehellaat hi main jalay,

Chand logon ki khushyon ko lay ker chalay,

Wo jo saye main har maslihat kay palay;

Aisay dastoor ko,

Subh e bay noor ko,

Main naheen maanta,

Main naheen jaanta.

Main bhee kha’if naheen takhta e daar say,

Main bhee Mansoor hoon, keh do aghyaar say,

Kyun daraatay ho zindaan ki divar say,

Zulm ki baat ko,

Jehel ki raat ko,

Main naheen maanta,

Main naheen jaanta.

Phool shaakhon pay khilnay lagay tum kaho,

Jaam rindon ko milnay lagay tum kaho,

Chak seenon kay silnay lagay tum kaho,

Iss khulay jhoot ko,

Zehan ki loot ko,

Main naheen maanta,

Main naheen jaanta.

Tum nay loota hai sadyon hamara sakoon,

Ab na hum per chalay ga tumhara fasoon,

Chara gar main tumhain kiss tara say kahoon?

Tum naheen charaagar,

Koi maanay magar,

Main naheen maanta,

Main naheen jaanta.